【Viu】Jace陳凱詠最近報復式出騷，今日又亮相投資活動啦！但佢笑話仲未止得晒休息一年嘅心癮，最最最心急係上大舞台演出！咁好快實現願望啦！嚟緊1月中就係佢同Jay Fung嘅MOOV Live音樂會，Jace透露近排開會揀歌，超期待到時演出咁話，又大讚Jay Fung呢位暖男勁照顧佢，所以佢都要挺身而出保護返佢，即場代Jay Fung宣布：「佢唔會跳舞！」
至於Jace亦自爆聽日（30日）晏晝有件重大事情宣布，仲堅決不漏半點風聲，大賣「瓜子」！莫非係關乎佢嘅終生大事？抑或係宣布開個人演唱會？另外，Jace最近竟然被「扯上」多單騙局新聞，令佢哭笑不得。而講到投資心得，Jace自嘲係阿婆level，用曲奇餅罐儲錢？即刻睇訪問片聽Jace點講啦！
