【Viu】P1X3L最近推出新歌《This Is How We Roll》，仲搵咗師姐陳凱詠(Jace)合作兼拍攝MV，新歌唱盡男仔追女仔嘅大無畏精神，但原來現實中嘅P1X3L，喺戀愛方面似乎都碰過唔少釘，Phoebus自爆食過唔少檸檬，而Marco仲話自己係愛情絕源體添，但明明早排Sica先喺節目度向Marco示愛咋喎！
George亦爆事後佢同珈其經常拍節目嗰陣，撮合佢哋兩個添，呢啲兄弟算唔話得啦！
講返工作，而家P1X3L歌手、主持、演員三棲發展，佢哋都好感恩有咁多工作機會，而嚟緊今年佢哋都想多推出音樂作品，仲話希望可以喺年底或者出年開音樂會添！
