【Viu】 Jay Fung 馮允謙九展個唱第三場，台下真係星光熠熠！除咗有ERROR隊長肥仔，同電影《媽媽的神奇小子》男主角梁仲恆之外，仲有出晒名嘅Jay Fung忠粉Marf同埋一班COLLAR隊友阿Gao、芯駖、Winka、Candy齊齊嚟睇騷！另一邊陳柏宇、Gin Lee、少爺占、Rubber Band主音6號同太太都有嚟捧場！梗係唔可以漏咗晚晚都坐喺前排支持嘅Jay Fung媽咪啦！台下陣容咁鼎盛，台上嘉賓都冇令歌迷失望，阿Jay呢晚就請嚟佢心目中 好正嘅Jace陳凱詠，一齊合唱佢寫俾Jace嘅新歌《Long D》！呢排忙住排練舞台劇嘅Jace，話自己幾忙都好都一定要嚟做嘉賓，因為今次原來係佢入行以嚟第一次做演唱會嘉賓，阿Jay聽到自己唔覺意攞咗Jace嘅第一次都好驚喜啊！
