【Viu】 環球歌手Jace（陳凱詠）近日首推冧爆情歌《Long D》，喺接受專訪嗰陣，自爆一開始竟然被呢啲咁大路嘅歌曲題材考起，皆因佢由內到外都係一名女中豪傑！Jace仲笑話以往嘅戀愛史都當另一半係兄弟，所以要佢向男朋友撒嬌，簡直等同太陽由西升起咁不可能。
而呢次能夠將Jace調教至溫文爾雅mode，即使要同另一半Long D都仍然超甜蜜，就全靠「雙Fung」Jay Fung、Alec Fung呢pair夢幻組合，絕對係功不可沒！其中Jace大讚Jay Fung係型爆真男人，佢話上年年底對方擔任演唱會嘉賓嗰陣，承諾咗會寫歌畀自己，到最後Jay Fung真係守信用交出作品，令Jace不知幾咁感動！
至於錄音過程有咩趣事？Jace又點睇Long D呢個狀態？想知就去片啦！溫馨提示，記得要睇到最後！因為Jace喺尾段會醒大家3個Long D戀愛小貼士，千祈唔好錯過呀！
