【Viu】小薯茄首次舉辦運動會，一共耗資7位數字，兼花咗9個月時間籌備，破天荒請嚟多位YouTuber嚟鬥一番，成件事真係勁熱血啊！喺跳遠項目，每位「運動員」都博到盡，就連因為較早項目而整傷腳嘅東方昇，即使比賽前話放棄，但一上場就將飲奶嘅力水都出埋，Respect啊！
而兩次跳遠都踩界被foul嘅肥蚊，就體驗到人間有愛，有隊友NatNat幫佢公開爭取跳多次嘅機會，之後仲獲全場打氣添，果然係「友誼第一，比賽第二」！最後肥蚊都不負眾望，成功「插旗」，仲話要報答返「恩人」NatNat添！呢日玩得咁開心，許賢都表示嚟緊試當真諗緊啲新搞作，想約埋大家再癲過啊！
