【Viu】《Leon黎明紅館演唱會2023》噚晚舉行第9場，更帶挈旗下新人Apple凌雪怡首登紅館，為《顧家》（同居版）擔任和音；又特別製作咗《如果可以再見你》MV嘅動畫版，呢首歌正正係Leon喺98年推出嘅廣告金曲，當年仲邀得初出道嘅韓國女神全智賢做「阿May」，兩人喺山谷吶喊一幕，絕對係「8、90後」嘅集體回憶嚟㗎！
當然唔少得觀眾同網友最期待嘅快歌環節，當《Sugar in the Marmalade》嘅音樂一響起，全場觀眾即High爆喪跳，跳到最後一首歌《我的親愛》都唔願停呀！
Leon除咗喺台上同兩邊嘅觀眾握手外，每晚完騷都會同喺場外守候多時嘅歌迷揮手，好寵粉㗎！
