【Viu】Leon黎明嘅澳門演唱會噚晚開鑼，唱咗多首經典情歌。除咗唱歌，身為「金句王」嘅黎天王，Talk位同樣係高潮所在，噚晚佢就解釋點解一直以嚟少唱有「黎明」嘅歌，包括《人在黎明》：「因為唱自己個名好尷尬！」不過之後諗通咗，就係唔應該淨係諗自己，事關黎明即係晨曦，仲寄語觀眾唔好當聽緊佢個名，係要聽歌曲嘅氣氛，隨即唱出《深秋的黎明》，大家Get到未呀？
其後Leon換上火紅Bling Bling外套唱出快歌《火舞艷陽》，當然係Keep住「黎明Style」，唔會左右右左右左移動啦！演唱會最後Leon仲行匀全場同Fans揮手，又叮囑大家保重同攞齊嘢，好Sweet!
