【Viu】「樹妮妮」Serrini任性地休息去咗台灣「定居」2、3個月後終於復工，今日現身機場為DJ謝茜嘉嘅特別節目擔任嘉賓，笑言冇俾人包，又透露嚟緊嘅工作planning，真美懷大志mode話想繼《Don’t Text Him》之後，再出一隻17首歌嘅大碟，而今年亦會再派多2、3首歌添，對fans簡直係一大喜訊！
啱啱公布咗台灣小巡迴嘅10月台北最終站，Serrini笑話乘機叫啲fans陪佢嚟個環島遊，又話心思思想喺香港某個地方舉行同樣「蚊型」音樂會！講到佢喺台灣嗰陣，有朋友飛去探佢，Serrini秒答係Tyson Yoshi，勁搞笑咁完全唔想提到「林伯」林家謙，繼而投訴對方使用佢嘅肖像嚟作商業用途，又指對收數無期而感到徬徨！
小編當然亦有關心樹妮妮腳擘太大上車而唔小心拉親肌肉一事，佢報平安指依家very ok，究竟Serrini整親嘅過程係點？治療嘅過程又有幾恐怖？另外，早前佢為Jeremy個人騷擔任嘉賓，大讚米媽超cute呀！想知Serrini仲講咗啲咩？足本訪問去片！
