【Viu】「精靈系女神」李聖經快閃香港喺中環出活動，晒腿現身當刻，全場fans大叫「eonni」、「沙冷hea唷」超轟動，哄到李聖經勁開心，不停揮手、派心又飛吻！佢受訪指已經有6年冇嚟香港，都好掛住香港嘅美食同地方，可惜此行嘅時間好趕，就要等下次，亦好希望快啲可以舉行香港見面會，再同大家互動！李聖經仲有講到拍韓劇《浪漫醫生金師傅2》嘅趣事添！
同場仲有台灣型男林柏宏，佢出場嗰陣，fans高呼「老公」、「不敢相信」，柏宏聽到即露招牌酒粒笑容，迷暈全場所有人！講到佢被選為台灣10大肌肉男之一、更被稱為「台版美國隊長」，柏宏都即刻要講句：「不敢相信！」指自己都經常做gym keep弗，但多數都一支公，因為健身本來就係一件孤單嘅事，又有啲道理！想知「老公」做gym會唔會自拍？會唔會嘶吼？又會着咩衫？睇足本訪問就有答案！佢仲有講到《關於我和鬼變成家人的那件事》代表台灣角逐奧斯卡最佳國際影片心情添！各位「老婆」請慢用啦！
