【Viu】台灣男神許光漢、林柏宏同女神王淨，今日喺香港合體宣傳新片《關於我和鬼變成家人的那件事》，期間3人互飆廣東話，以「毛毛」林柏宏學得最快，連金句「不敢相信」都學埋！佢哋話由細到大睇好多港產片，但覺得廣東話好難，光漢同王淨仲坦承識廣東話粗口添呀！好True呀！
講到林柏宏喺IG推介偶像星爺睇《鬼家人》，對方竟然話想嚟睇首映，林柏宏笑認收到回覆當下嚇到想下跪，仲叮囑電影公司畀戲飛星爺，希望有機會見到真人。至於許光漢早排赴韓出席頒獎典禮，同女神IU集郵，佢就怕醜咁話有互相問好。
此外，王淨得悉香港女星興po泳衣相催谷票房時，即自嘲自己的泳裝要修圖才能看，又要求「鬼家人」陪佢著鯊魚泳裝，認真搞笑！
