【Viu】林柏宏相隔咗成八年幾，最近終於再嚟香港參加亞洲電影大獎，今次喺頒獎禮除咗做頒獎嘉賓之外，亦化身小Fans追星見佢嘅男神梁朝偉。呢位Fans透露自己睇過曬偉仔嘅作品，其中《重慶森林》更睇咗咗五十次。
林柏宏喺2007年參加選秀節目《超級星光大道》入行，一直以嚟佢都視自己為演員多過歌手，喺影視作品當中會得到更多嘅滿足感。佢同「全民老公」許光漢，合作嘅電影《關於我和鬼變成家人的那件事》，喺台灣上映之後爆紅，票房更接近3億台幣。講到「老公」許光漢，佢大爆對方零偶包，拍攝時會成日忍不住成日笑場。戲中嘅冥婚情節以喜劇形式表達，而林柏宏開工時亦百無禁忌，話自己私底下鍾意嚇人，認真鬼馬！戲中飾演同志，戲外嘅林柏宏係零負評嘅同志天菜，仲周不時收到男仔私訊添啊。
