【Viu】「教主」Anson Lo今日盛裝打扮出席fashion brand活動，笑指「神徒」最近仿效佢食炒蛋加咖啡做早餐，是咪要同「早餐界KOL」軒公battle？講到即將飛澳洲拍MIRROR團綜，「劇透Lo」又上線，列出臨飛前要完成嘅工作List，當中包括要錄新團歌、《社內相親》嘅主題曲兼插曲，又爆新團歌係慶祝5周年嘅快歌！再追加搭飛機會食兩份飛機餐呢個小秘密！
噚日Edan爆教主有鼻鼾聲唔想同房，Anson Lo嚟個大反擊笑指對方都有鼻鼾，只係細聲啲！佢又話已做好各心理準備迎團綜，唔怕到時有大衝擊，例如會被影瞓覺、淋冰水morning call、突擊開篋，仲沾沾笑言自己啲underwear好靚，唔怕畀大家睇咁話！再提及電影《釀魂》監製發文鬧爆某演員零宣傳，Anson Lo指冇特別過問：「宣傳與否係個人嘅選擇、個人嘅喜好。」
