【Viu】Do姐鄭裕玲今日出席預防傳染病活動，講到佢嘅網上頻道備受網友熱捧，最近一期推出嘅何超儀訪問仲令唔少人喊濕幾個枕頭，Do姐坦言感受到超儀有幾深愛老公陳子聰，希望子聰早日康復，自己都會繼續關注子聰嘅情況。
早排同洪嘉豪拍完旅遊節目後，最近又合作廣告，Do姐大讚嘉豪幽默又友善，咁會唔會做埋佢MV女主角呢？佢就淨係話嘉豪唱歌好聽咋！咦？咁幾時follow晒合作旅遊節目嘅5大男神呢？Do姐雖然話5個都可以繼續做朋友，但唔想大家太在意自己ig，仲搞笑咁話：「搵一日全部unfollow晒佢哋！」咁姜濤、王嘉爾同任時完會唔會傷心㗎？
