【Viu】193@ERROR、Do姐鄭裕玲 、Amy盧慧敏，今日齊齊出席首飾活動，同場仲有首襲港嘅日本男神Takeru佐藤健。不嬲對靚仔冇抗體嘅Do姐覺得男神值幾分？佢就擺3爺上枱啦：「分數嘅定義係乜？193就值10萬分，但滿分係幾多？可能係1億。」
咁有冇自肥請Takeru 上自己個訪談節目自肥吓先？Do姐就懶神秘話「唔知呢！」3爺就乘機自薦喇！
而佢今日仲着西裝同男神Battle，3爺就話係一年一次嘅福利，佢都希望活動後可以集郵，真係好想見證當九龍灣金剛棒遇上酷爆男神一刻。去完台灣拍MV嘅3爺大爆玩一皇兩后，仲有嘢益到肥仔添！
另外，Amy Lo就大讚Takeru靚仔有個性，值9分，仲話對長髪嘅男仔心心眼添！
