【Viu】女團Lolly Talk慶祝成軍一周年，今晚喺上環搞 《Lolly Talk 1st Anniversary Fans Meeting》，同成班波板糖一齊過。8個囡囡仲首唱未見街嘅新歌《四方帽之約》冧粉，勁識做。其間分享呢一年嘅辛酸，尤其Elka講到以前同爸爸關係唔好時，囡囡們都爆喊。
佢哋仲同Fans share咗一條絕密片段，當中有Lolly Talk嘅素顏樣同埋真情剖白，佢哋感情勁深厚仲有個口頭禪係嗌解散添。不過問到Mei Mei點解193會叫佢「阿嫂」？當事人就話唔知喎！你又信唔信先？
