【Viu】「最有前途女新人獎」優異獎得主Jaime張天穎後台受訪大叫開心，問到有冇信心衝三甲？佢謙虛笑話有信心做好音樂，惟有網民突破盲腸指Jaime有兩首冠軍歌，應有三甲位置，話港台造馬咁講，Jaime聽到笑指唔識計數。而緋聞男友Phoebus亦只得男新人優異獎，Jaime話好多朋友一齊攞獎都唔會唔開心。講到另有網民指佢同黃心穎撞樣，Jaime話冇對方身材咁好，但樣都的確有幾分相似，之但係對比蔡一智，佢話：「仲似！」果然有料到！
Lolly Talk亦獲優異獎，打趣講到今次上台比較冷靜，佢哋笑話大個女，仲預告就快出新歌，相信會畀到fans一個超大驚喜！至於銅獎得主就係蘇麗珊，首次攞獎感受特別深刻，指喺音樂上有肯定係好重要，又冧話男友都有嚟到現場分享喜悅！
