【Viu】ANSONBEAN、CY陳宗澤、Lolly Talk等呢日喺港台出席健康資訊活動，ANSONBEAN話心理健康好緊要，如果唔開心就會狂食垃圾食物，佢話做藝人雖然會有好多唔同評價，但係畀人睇得多反而冇咁care喎。提起劇集《殺手廢J》，ANSONBEAN對自己個角色最後要死覺得好開心，仲話畀個角色影響到而家添。至於新歌《聰明豆》，佢話想送首情歌畀大家，佢仲話同女神阿冰拍MV嗰陣，大家相處得好好。
Lolly Talk喺節目入面講有關行山嘅健康資訊，不過佢哋平日就好少行山，淨係得Mei Mei經驗豐富啲。佢哋啱啱出咗新歌《七姊妹星團》，今年嘅目標係開小型音樂會，同埋做多啲唔同風格嘅歌。提到Yanny早前做洪嘉豪嘅MV女主角，網民勁讚佢似女神Rosé，Yanny就話為咗扮得似，仲特登加厚啲髮量㗎。
