【Viu】 日本女星「水雞光」朝比奈彩聽日將會出席香港一個品牌宣傳活動，而喺今日(25號)佢已經飛到嚟香港啦！下午1點25分左右，朝比奈彩戴住Cap帽同太陽眼鏡，身穿白色Tshirt同白色工裝褲步出機場，雖然幾乎全素顏，但面對住鏡頭，依然笑容滿面不停揮手，非常親民，佢仲以普通話講「你好」同大家打招呼，亦向鏡頭派心心！離開機場時，聽到有Fans用日文同自己打招呼，朝比奈彩都覺得好驚喜，仲讚對方識講日文好厲害添！
現場實況：「水雞光」朝比奈彩素顏抵港 不斷揮手派笑容派心心
現場實況：「水雞光」朝比奈彩素顏抵港 不斷揮手派笑容派心心
