【Viu】 出道7年嘅Yan Ting周殷廷，舊年因為幫ViuTV劇集《太平紋身店》獻唱主題曲《遲了悔改》知名度大升！隔咗成年佢終於推出新歌《意外現場》延續失戀情歌路線，故事講述面對情人背叛依然自欺欺人逃避真相。而今次新MV當然都係由佢親自執導，除咗要挑戰一鏡到底，而且仲有爆破大場面，真係不容有失，好彩最後都一Take搞掂！雖然唔少人都話Yan Ting歌紅人唔紅，十足隱世歌手，不過佢就一啲都唔介意，仲話自己寧願被少啲人見到，都唔想違背自己嘅初，只係希望可以做好音樂，帶多啲新元素新衝擊俾歌迷啊！
