【Viu】一連11場嘅《Revisit張敬軒演唱會》今晚喺會展開鑼，軒公率一眾Dancers以勁歌熱舞《Deadline》、《Sweet Escape》同《Stop The Time》炒熱氣氛，「衰妹」仲不斷放飛吻兼扭蛇腰，真係好腰好腎好男人呀！
其後，軒公講返喺舊年12月26號發現「中招」後嘅心情，笑認係首位歌手試過兩次演唱會要延期，隨即向受影響嘅觀眾鞠躬道歉，超有Heart！軒公又話休養期間有長輩推薦食「中老年人特效藥」，但自己食完覺得冇料到喎，間接證明自己年紀唔大咁話！轉數咁快，睇嚟軒公零腦霧喎！除咗食「特效藥」，軒公仲自爆食過原隻蛤蚧後就好返喇！小編真係聽不下去了！
