【Viu】「金曲歌后」Tanya蔡健雅將於6月25號首度登陸紅館開騷，佢直言今次係圓夢之旅，事關9年前原本有機會開紅館，最終因病取消，之後幾度入紙申請，奈何遇上疫情，只能隨遇而安。
Tanya透露今次會繼續沿用台北小巨蛋演唱會嘅「宇宙青鳥號」從天而降，有畏高症嘅佢，仲笑言嫌唔夠高，想再挑戰一下。咁會唔會挑戰跳舞呢？Tanya就話「不了」，雖然未做歌手前一度係舞者，但依家已經告別「舞林」喇！
至於嘉賓方面，Tanya大讚Finally去到台灣自薦夠誠意，但自己幾經波折先開到紅館，想獨霸舞台。Tanya又寄語歌迷要用心用眼用耳朵欣賞演唱會，唔好用電話睇騷，小編表示不能認同更多呀！
