【Viu】身為全球大使嘅碧咸，喺開幕典禮上當然要講幾句，佢話今次住喺自己有份設計嘅套房度，「碧咸」周圍都係呀，連廁所都有，自己都忍唔住打卡，認真搞笑！向來係「寵女狂魔」嘅咸爺，又爆「哈七」係《哈利波特》忠實Fans，之後會帶埋阿女再嚟澳門睇《哈利波特》展覽！
至於G.E.M.鄧紫棋就成為倫敦人綜藝館嘅首位表演嘉賓，大嗌好開心嘅佢，佢先後唱出《光年之外》、《泡沫》同廣東歌《喜歡你》，問完大家識唔識廣東話後，仲遞咪示意全場大合唱《喜歡你》氣氛一流！
現場實況：碧咸住「咸爺套房」同自己打卡 望帶「哈七」睇《哈利波特》展 G.E.M. 任表演第一人嗌開心
現場實況：碧咸住「咸爺套房」同自己打卡 望帶「哈七」睇《哈利波特》展 G.E.M. 任表演第一人嗌開心
