【Viu】閉關咗半年G.E.M.鄧紫棋最近推出新專輯《啟示錄》，G.E.M.仲首次擔任編劇同監製，炮製一個音樂連續劇，
不過喺疫情下，拍攝多次被迫叫停不特止，原本嘅男主角拍拍下突然收到隔離通知，當完成隔離後又因為檔期問題拍唔到落去，而男配角亦臨時表示唔能夠繼續拍，
好彩最後男主角由內地小鮮肉孫晨竣頂上，而造型師男朋友Mark亦幫手擔演男配角，總算係有驚無險！今次新專輯，G.E.M.豪擲2500萬，喺MV入面大玩CG，雖然要對住一堆綠幕演戲，但對G.E.M嚟講都係easy job，反而談情說愛嘅戲份就考起佢嘞，同男主角sweet爆嘅互動，令G.E.M.又怕醜又尷尬，佢仲自爆就連導演都睇唔過眼，特登走埋去幫佢心理輔導添！
提起曾經受過網暴，G.E.M.就話自己已經捱過咗呢個階段，但由於普通人都可能要面對網暴問題，所以佢都想借作品警剔大家，其實一句無心說話都可以毀咗人一生，而G.E.M.仲以過來人身份溫提大家，如果自己本身已經好多負能量，就最好遠離社交媒體，以免越睇越負面啊！
