【Viu】Yoga林宥嘉嘅《idol 世界巡迴演唱會》香港站噚晚正式開鑼，除咗唱出《一點點》冧fans之外，又用廣東話同香港fans打招呼，話自己好耐冇嚟香港開演唱會，搞到台下觀眾嗌爆晒！Yoga搞笑話大家嘅普通話應該退步咗，事關佢嘅廣東話都一樣，不過經過呢晚之後佢就會開始進步！佢仲表示今晚父母都有嚟撐場，但由於爸媽唔識聽廣東話，令佢有藉口講多啲普通話喎。
而喺唱《自然醒》嘅時候，Yoga繼續大派福利走到去台邊，拎起fans嘅電話同對方selfie！另外當然唔少得新歌《我不是神，我只是平凡卻直拗愛著你的人》啦，今次更係Yoga全球首次獻唱，香港fans真係有福！
