【Viu】繼上一首作品《虎山行》之後，今次新歌《未接來電》依然由Rachel劉蘊晴一手包辦作曲、填詞，微辣一姐真係sweet又有才華呀！平時喺鏡頭面前展現開心一面，不過Rachel上年主力喺香港做嘢，同身處澳門嘅屋企人、男朋友卡特相隔兩地、身邊少咗人陪難免會空虛寂寞凍既，佢話工作時熱鬧、開心又hyper，但收工之後就好平靜，獨處得太耐甚至覺得自己有啲社恐。
Rachel今次為咗宣傳新歌，特登殺落銅鑼灣搵人做街訪，雖然平時拍好多綜藝同遊戲節目，但喺條街度捉人訪問都係第一次。小編就請咗Rachel即時接受挑戰，打俾一個掛念嘅人，估唔到嗰位竟然係霍哥，Rachel仲公然請霍哥借宿一宵，有冇問準男朋友㗎？
