【Viu】田蕊妮、「腦細」林日曦合作舞台劇《大離婚日》，5月會喺香港演藝學院各自上演兩齣舞台劇獨腳戲。今日阿田就現身排戲室，講返起當日收到林日曦嘅邀請，第一個反應竟然係毛管戙！原來阿田一直都想創作一個婚姻關係嘅故事，未合作就已經有晒默契！
答應演出後，阿田先醒覺上咗賊船，搞笑「投訴」被「腦細」呃！事關並唔係林日曦所講獨腳戲簡單過舞台劇，1人分飾6角同時又要做戲、唱歌、跳舞對佢極大挑戰，特別係喺體能上，阿田甚至諗定到時演出換衫期間要食蕉補充體力。提到日前佢哋先喺日本排戲，阿田大爆「腦細」私下超鍾意跳舞，又笑話忍唔住問對方點解成日黑面！而杜汶澤都做跟得丈夫陪伴左右，兼貼心送上養聲tips！
