【Viu】MIRROR成員AK、Ian為新戲《冰上火花》宣傳，佢哋笑話拍完晒成套劇都鬆一大口氣，好期待之後嘅播出。Ian自爆有向導演自薦唱主題曲，但暫時未收到任何暗示係yes or no！順勢講到盛傳MIRROR有六鏡會開個人演唱會，問到有冇佢哋兩個份？AK抵死答：「可能係隊長（Lokman）呢！」至於有傳明年3月MIRROR開亞博騷⋯ 想知AK同Ian會點答呢？
ERROR就派Poki、阿Dee做代表，佢哋預告團綜會喺暑假面世，早前已經開拍，離唔開簽生死狀，相信又係一場驚濤駭浪之戰！佢哋仲話今次目標係要幫肥仔變身成筋肉人添！送上足本訪問先笑餐飽！
