【Viu】出爐奧斯卡影后Michelle楊紫瓊、劉嘉玲、莫文蔚、何超瓊、林青霞等噚晚出席珠寶品牌晚宴。Michelle日前帶埋小金人返大馬拜daddy，今次真係光宗耀祖啦！問到老公有冇咩獎勵？Michelle話「佢陪我周圍去，已經好偉大，唔使獎勵。」不過最大嘅好消息，係Michelle有機會拍港產片添喎！
而Karen 莫文蔚就同老公十指緊扣到場，so sweet。Karen話兩口子去咗成年歐遊，最近先投入工作，好快會出新歌，仲拍咗套港產片添！問到老公嘅國語有冇進步？Karen話老公好勤力上網課學習，其餘時間就係自己做私人老師，好有愛呀！
