【Viu】 Lewsz本身同哥哥Tiab玩開Indie音樂，上年佢分別同Gigi張蔓姿、Sabrina張蔓莎合作嘅歌，都受到好評，之後仲加入咗華納成為Gigi師弟。嚟緊4月2號，Gigi同Lewsz將會喺麥花臣舉行音樂會，呢個Emo Girl同叛逆男孩組合，一動一靜，可以話係互補，而且佢哋無論係做音樂，定係性格上都有好多相似嘅地方，對比起同哥哥經常有激烈碰撞，Lewsz話同Gigi合作時更有化學作用。話哂今次係佢哋第一個大型騷，除咗舞台設計之外，佢哋特別請咗洪嘉豪、Tiab同埋TomFatKi做嘉賓，不過妹妹Sabrina竟然講明唔想做嘉賓喎。
