【Viu】 MIRROR成員AK今晚獲邀擔任《八三夭2023 [顛倒世界] 世界巡迴演唱會》香港站嘉賓之一，除咗喺台上Jam歌，當然仲要傾下偈啦！AK仲好鬼馬咁問現場觀眾，想聽佢講廣東話定普通話，其後佢就以普通話多謝八三夭嘅邀請！而阿璞就話有留意到AK最近舉行緊玩具展覽，已經率先去咗參觀嘅阿電就話非常好玩，仲即刻幫AK打廣告叫大家有時間記得去！認真唔話得！
另外喺準備合唱《想見你》之前，AK繼續把握機會同觀眾交流，表示自己第一次喺戶外落住雨做騷，覺得好浪漫！提完大家之後要小心離場，仲大讚台下每位fans都好靚！咁sweet得唔得㗎？
