【Viu】《八三夭2023 [顛倒世界] 世界巡迴演唱會》香港站噚晚喺西九文化區舉行，邀得Dear Jane同Anson Kong做嘉賓，High爆全場呀！雖然個唱中段開始滂沱大雨，依然淋唔熄Fans熱情，八三夭亦兩度Encore回饋港迷支持，係愛呀！
八三夭話綵排時見到天氣轉差，一度擔心要取消演出，好彩Fans不離不棄，令佢哋好感動，希望再嚟香港開騷，但大呻廣東話難學。佢哋坦言一早已經欣賞Dear Jane，今次成功合作超開心，至於AK就係因為傾玩具經而認識，阿電仲爆料話AK一早講過經理人花姐鍾意《想見你》男主角許光漢，有機會都想介紹畀花姐識㗎，又想約AK去其他地方嘅巡唱做嘉賓，超期待呀！
此外，佢哋笑言完騷後想去蘭桂坊，小橘仲自爆N年前夜蒲試過畀女撩，woo～有料喎！
