【Viu】AK、Ian同陳蕾今日出席《拉闊音樂會》記者會，講到孖住鏡仔開騷，陳蕾笑言對朋友嘅訂飛要求已讀不回，仲爆Ianson互動夠搞笑，但唔夠「賦豪CP」嘈，另外佢仲講笑話最近有啲心郁想跳舞，希望到時喺台上可以表演俾大家睇咁話喎！
AK同Ian透露4月中拍完《冰上火花》後，就會全力準備拉闊，AK仲笑言係為此「封咪」幾個月養聲，又叫生粉唔使擔心，拍完劇就會做歌㗎喇！而Ian嘅手部傷勢冇咩大礙，反而最唔慣唔夠瞓，仲笑言大家知佢病都即刻恭喜佢終於有得休息。
此外，講到MIRROR出英文團歌，Ianson都想出埠開騷呀，但Ian笑言唔想同AK同房，因為太嘈，反而想同最安靜嘅Tiger同房咁話，笑Cry呀！
