【Viu】Tyson Yoshi噚日出席美容活動，緊接趕飛機去東京拍新歌MV，好揼本喎！「次次都重本喎！有時會諗，慳返今次，儲多啲彈藥再做好啲，但如果遲啲冇人再睇我呢？有錢但冇人睇，拍嚟都冇用，不如依家拍。」咁MV會唔會揀性感女角？女友Christy會唔會監場？Tyson就霸氣回應：「我話事！佢唔會同我一齊去，因為要幫我睇住健身室。」係愛定責任呀？Tyson話有出糧俾女友㗎，佢笑言：「免費會死人㗎！」今個月底就出發去台灣開騷嘅Tyson， 5月又要去泰國同馬來西亞走tour，所以早排宣布取消嘅香港騷，未知幾時會再開。Tyson認真解釋話唔係寸爆周杰倫，佢又搞笑話：「不過咁寫個title，真係幾多人click入去睇。」
