【Viu】Jeffrey魏浚笙早前自爆考車牌筆試肥佬被全村人笑爆，佢都笑咗出嚟嗌「幾羞恥」，又解釋考之前齋做模擬試題冇點溫書，所以今次會溫多啲，亦學精咗再考都唔公開講，除非路試一take pass！但因咩事Jeffrey今次玩自爆呢？原來佢話畀「爺爺」岑珈其「恐嚇」，到最後與其被爆就不如自爆！之後佢仲抵死拉埋膠戰Family落水，爆錄影當日除咗阿正冇接受模擬試題考驗，只得Hilary合格，得戚搞笑話：「所以係幾困難！」
另外，Jeffrey日前走咗轉台灣做嘢、韓國旅行，差足電返港開工，見佢仍然keep到副靚偈，佢笑話去韓國行程緊密，只係得48個鐘玩，爭取時間「基本出血」就冇乜點食嘢！講到首支派台歌連奪兩個電台冠軍位置，Jeffrey開心話有被鼓勵到，透露好快就會出新歌，主題係「痛心」。
