【Viu】歌神張學友相隔8年，再度推出最新國語單曲《又十年》，歌詞內容同佢嘅想法，以及生活上嘅改變都好接近，而簡單旋律亦述說佢嘅經歷。學友話唱《又十年》時唱到眼泛淚光，因為有種親身經歷嘅強烈感觸，佢希望大家要珍惜時間，一眨眼就十年，呢個係後生時從未有嘅體會，等到年紀漸長先明白時間係無情。學友話《又十年》本來取名「黃金十年」，但佢堅持用「又十年」做歌名，因為有一種對時間快速流逝的感覺。學友感觸話：「在過去這二、三十年每個十年都過得很快，但沒有哪個十年是更重要。」
學友早排透露正籌備緊演唱會後，即刻令廣大樂迷勁期待，佢話希望嚟緊喺下半年開騷，「不要以為我做過很多次演唱會就可以駕輕就熟，不一樣的演唱會，自然就要面對不同的問題與挑戰。」學友而家做緊準備功夫，正積極練歌中，之後就會正式公布開騷喇。
