【Viu】吳婉芳兒子胡智同（Lynus）投資7位數的REP.高級健身中心昨日正式開幕，獲得張學友驚喜到場力撐外，母親吳婉芳、星二代朋友上山詩鈉女兒Hilary Fan、湯鎮業孖仔湯君慈、湯君耀都有到場支持，Lynus妹妹胡智晴更擔任MC協助哥哥！
Lynus本身是私人健身教練，因疫情影響籌備健身室過程中面對不少難題，Lynus話並沒有氣餒，自己會見招拆招，而學友更是一直支持自己不同方面發展，問佢會唔會同學友一齊做Gym？Lynus：「要問佢！佢都好fit！」Lynus又話下半年會長駐健身室，已經有好多朋友、客人預約做Gym。
Hilary自爆先前因疫情關係日日在家而自我放縱，導致增磅不少，稍後會相約Lynus做Gym操練。問到會唔會向Lynus學習做生意？Hilary話自己對飲食方面有興趣，比起其他行業更多元化，Hilary仲透露目前單身，男士們可以出擊呀！孖仔湯君慈、湯君耀本身有凍肉生意，可以同Lynus交流生意經，仲講笑話：「呢度有賣嘢食，可以批啲食物俾佢。」
