【Viu】女團Lolly Talk日前為時裝品牌擔任新店開幕嘉賓，吸引過百名「波板糖」企滿核心內、外圍圍觀，人氣爆燈！其中MeiMei自認係包包控，Sinnie搞笑篤爆好姊妹：「未試過同佢出街係用重複嘅袋！」而Yanny就話準備好將酬勞原封不動「退還」品牌shopping！
至於Elka係公認嘅時裝達人，買衫絕不手軟，所以之後一講到要分組同fans玩襯衫遊戲，佢自信心爆棚話贏硬！不過阿妹突然做程咬金自詡係冠軍相，場面爆笑！點知到最後又真係畀阿妹、Tania組勝出，可以諗計仔懲罰輸咗嘅兩組！另外，新歌《五種愛的密語》登上電台排行榜，佢哋賣關子口吻咁話希望之後可以再有更值得開心嘅事慶祝，又指見大家對男團FINALLY客串MV迴響甚大，都想上小薯茄拍片。
