【Viu】林家謙噚日孖文念中導演、「劍后」江旻憓一齊出活動，心情high爆同在場過百名fans大合照！提起佢之前踩老友Serrini中大母校場開校園騷，家謙秒速「mean精」上身，又抵死堅拒同Serrini dem beat，因為直指對方會甩beat，認真笑爆嘴！另一老友Tyson Yoshi榮升做「程總」開gym room，更同張敬軒話要train到家謙變肌肉人，家謙笑話操弗線條就ok，或者練橫個膊頭，咁個頭就睇落細啲啦！不過家謙落閘同Serrini一齊操，笑問係咪怕Serrini啲尖叫聲？家謙一句：「Too much info… 唔想聽！唔想知！」
講到冇作品入圍「十大中文金曲」會唔會失望？家謙直言冇，係預計之內，更大方話會尊重每個台嘅取向。而日前歌神許冠傑點名話欣賞家謙，仲話想嚟個crossover，家謙聽到大叫開心，因為一直都好欣賞、尊敬、崇拜對方，若然可以擔任到其演唱會嘉賓就超榮幸！
