【Viu】MIRROR噚日現身灣仔會展出席環保活動，可惜姜濤因身體不適缺席。問到大家知唔知姜濤有咩唔舒服？AK話可能冷親，但－定唔關腳傷事同情緒事。而大家最關心姜濤嘅體重問題，大表哥話佢好乖，有去其gym room做運動，仲話佢瘦咗㖭！
講到Edan同Jer入圍今屆金像獎「最佳新演員」提名，兒登仲憑《闔家辣》同《過時.過節》兩套戲入圍，會唔會覺得自己較著數？但Edan就話睇好兄弟阿Jer。而Ian同AK呢個Ianson組合即將孖陳蕾開拉闊騷，二人仲透露有機會為個騷出首合唱歌，但佢哋最擔心係Fans買黃牛飛。另外教主Anson Lo嘅自家時裝品牌，亦即將喺情人節搞發布會，佢知道神徒已經開始為見偶像而通宵排隊，教主都話好心痛。
