【Viu】ViuTV全新綜藝《全星暑假 - P1X3L 5G上台計劃》拍攝完成！8位成員啱啱喺台灣飛返香港，步出離境大堂見到一大班fans舉牌接機勁開心！Yoyo獲粉葛包送上紮鮮花，「主席」Sica都有塊紙皮做禮物㗎，各有各開心！
佢哋8個夾都冇咁橋話呢趟旅程超攰，每日勁tight schedule連踩十幾個鐘，仲輪住咁病！不過！佢哋話好enjoy，特別係最後一日on show，感受到滿滿嘅愛呀！P1X3L仲話呢次經驗對佢哋日後開音樂會好大幫助，又放聲話想再出埠拍團綜呀！
呢次除咗係P1X3L首次飛出香港，仲係佢哋處男同房，而床就得兩張，George自爆同Phoebus孖鋪發生咗件事，之後佢就化身男友送上愛的抱抱，諗起都有畫面！5G就話梁祖堯驚喜現身最surprise！另外，Marco自爆旅程中挑戰食比蟲更恐怖嘅嘢食，食完即發燒！至於Win Win亦有為早前入院報平安⋯唔講咁多，足本訪問嚟啦！
