【Viu】唱開R&B嘅Kerryta周子涵，最近破天荒搵嚟YouTuber藍仔頭合唱新歌《下個取替我》，藍仔頭今次踩過界做歌手，KerryTa都大讚佢勁努力。藍仔頭第一次入錄音室就咁輕鬆，其實本身係有備而來，佢學咗唱歌已經有一段時間，仲成日夜麻麻練唱歌，認真勤力呀！藍仔頭同Kerryta喺MV入面飾演一對已經分手嘅情侶，不過Kerryta演出經驗始終少啲，要同藍仔頭演Sweet moment嗰時，難免會老尷，好彩對住戴上頭套嘅藍仔頭先冇咁緊張。藍仔頭嘅Channel今年有人事變動，之後佢就要身兼導演工作，突如其來嘅挑戰，佢都覺得壓力山大。講到熊仔頭今年初自爆患上抑鬱症，繼而宣布離開YouTube界，藍仔頭就話一早已發現拍檔有情緒問題。
