【Viu】ViuTV新劇《殺手廢J》聽晚首播，劇中演員陳湛文、Angela袁澧林、ANSONBEAN、Dee姐、程人富、楊偉倫出席宣傳活動。陳湛文話拍劇嗰陣爭啲中暑，計埋服裝每日體感40度，全靠意志力頂住，又指呢次係入行以嚟打得最多，自爆有場戲係ANSONBEAN要用武士刀打橫劏開佢，即使全身墊咗「砵仔糕」都不幸中刀，場面非常驚險！另外下星期金像獎公布入圍名單，問有冇信心繼金馬後再憑《窄路微塵》爭影后？佢謙話抱平常心。
ANSONBEAN、Dee姐、程人富齊齊話緊張播出，特別期待啲動作場口，其中ANSONBEAN自爆加咗唔少踢爛道具畫面，又挑戰高難道動作，至於有冇騷肌？佢笑話唔夠Mike導大隻，只係着背心。
Mike導、編劇麥可暉亦話好期待首套劇集「出世」，始終籌備超過一年嘅時間，而今次Mike導繼續做「爆破專家」，有連場爆炸場面，可觀指數爆星！
