【Viu】踏入2023年之前，Edan呂爵安推出全新R&B作品《LOVERSE》讚頌愛，佢今次首度同周耀輝合作，歌名特別加入Metaverse元宇宙概念，變成《LOVERSE》。今次係Edan第一次接觸R&B，當初佢都擔心Handle唔到，為咗完美演繹，特別用咗7日時間錄製新歌，係繼《E先生連環不幸事件》之後灌錄時間最長嘅一次。《LOVERSE》本來預定喺聖誕節推出，不過因延期最終改到大除夕先面世。而Edan喺MV入面更有新突破，為咗做外星人，佢不但換上最誇張嘅服飾，仲漂白頭髮，戴上Colour Con，變成型爆外星人。Edan特別分享新一年目標，「2023年希望出多啲唔同種類嘅歌。」佢仲話想變靚仔啲，做戲做好啲，祝佢今年達成目標啦！
