【Viu】Flavia黃可盈同霍哥喺ViuTV新劇《百萬同居計劃》，同Anson Lo、Jer有唔少對手戲，佢哋唔單止大讚兩位鏡仔超Nice，霍哥仲爆佢哋喺片場私下一面，一個鍾意匿喺樓梯口唱歌，一個就時不時練舞！
講到拍劇時不停有fans送嚟嘅食物應援，佢哋都覺得fatfat啊！最誇張煞科個晚，十幾盆嘢食不特止，仲有老火湯同十隻阿拉斯加長腳蟹，食完唔夠又有燕窩做宵夜，真係聽到都勁葡萄！不過佢哋就話Jeffrey為咗Keep住大隻body，美食當前都一直忍口，有次佢仲因為咁而暈低添，認真牙煙！另外初次拍劇嘅霍哥，被Anson Lo同阿Jer封為NG王，霍哥表示當時拍同參加者講解合約場戲時，都NG到有啲唔好意思，但好多謝簡慕華同黃德斌不斷鼓勵同俾意見佢啊！
