【Viu】毛舜筠、謝君豪、「登神」Anson Lo盧瀚霆、Edan呂爵安同談善言等，噚晚出席《過時．過節》首映禮，吸引過千鏡粉迫爆4層商場！
Edan對票房抱平常心，呼籲大家睇多幾次，仲話有機會po泳裝相派福利呀！至於AL表示會聽從醫生建議，唔再做「飯桶」，均衡飲食，以免再胃抽筋，亦就完騷後未能一齊受訪，而向欣宜致歉。講到有指AK喺籃球賽發火鬧佢，AL就澄清冇咁嘅事，唔回應不實報道。
講到姜濤嘅腳傷，Edan同AL都有關心隊友，仲笑阿姜受傷後一反常態，經常覆message，甚至主動搵人傾偈呀！
此外，談善言因為拍《打天下2》令韌帶撕裂，稍後要做手術，所以劇組要跳拍佢嘅戲份；毛姐都笑言「阿女」同「阿仔」姜濤同病相憐呀！
