【Viu】香港男子花劍隊嘅大師兄張小倫，喺2021年東京奧運會同隊友張家朗、蔡俊彥同埋吳諾弘打出漂亮嘅成績。踏入全職運動員生涯17年，小倫都想挑戰新嘢，嚟緊為節目《大師兄friend嚟喇！》做主持，除咗劍術一流之外，小倫亦係一位廚神，佢喺節目中會為嘉賓準備兩餸一湯，而每集都邀請運動員同埋藝人做嘉賓，打響頭炮嘅就係師弟蔡俊彥同埋Edan呂爵安，小倫又希望等腳傷癒後約Edan打返場籃球，小倫遇上呢排勤力打波嘅Edan，真係唔知誰勝誰負呢？小倫今次有機會做主持梗係要自肥，佢最請到男神張家輝、周星馳，而女神佢就想請Stephy鄧麗欣，連菜式都即刻度好咗喇。
