【Viu】「YOLICA」噚晚配合大會主題打扮成復古女郎，激罕以低胸現身，一向大剌剌形象嘅Sica難得展露優雅一面！之前Yoyo形容同姜濤喺《季前賽》嘅戀愛只係bb級，但喺大結局尾段又被錫額頭兼攬攬，佢笑話bb級都會錫吓面珠墩嘅，又自爆原來拍嗰陣唔知有呢幕，所以個反應就順理成章好似「河馬」咁怕醜！講起姜濤出戰籃球賽受傷要做手術，咁佢呢個「軍醫」咪要出動？Yoyo指完劇後就冇再同對方聯絡，但都祝佢早日康復！
而Sica、Alice亦有客串演暴走族，前者話事前有參考日劇嘅語調，自評60、70分有待改進；後者指呢場戲會係經典難忘嘅一幕，希望之後向喜劇進發！
同場楊天宇早前拍新戲《超神經械劫案》連環拉傷，雖然係係辛苦，不過佢就話自己非常enjoy，仲識到個好好笑嘅新朋友Jeffrey魏浚笙，仲大爆對方喺片場嘅無聊搞笑行為添！
