【Viu】 童愛玲係90年代嘅女神級演員，曾經同梁朝偉、馮德倫拍戲，又孖天王黎明拍電話廣告，絕對稱得上「男神磁石」！久別幕前咁多年，Eileen為ViuTV原創劇《季前賽》出山，飾演高家孝嘅媽媽 ，Eileen始終咁耐冇拍劇難免會緊張啲嘅，佢又要挑戰做一個另類媽媽，同姜濤有唔少對手戲，Eileen事前都做足功課對阿仔進行考古㗎。而姜濤都好識做，為咗拉近同孝媽嘅距離不惜扮台灣人，仲大展身手騷吓自己嘅彈指神功添！劇集播出後，好多人都大讚Eileen keep得好，佢今個月底就踏入50歲，簡直係冰河級凍齡美女！究竟Eileen有咩保養秘技呢？
