【Viu】MIRROR成員Ian 陳卓賢、王丹妮、Fish廖子妤、柯煒林、P1X3L成員George同Phoebus、Gareth.T同女友阿moon，以及一班試當真校花校草，噚日出席時尚雜誌周年party，場面好熱鬧啊！Ian有份主演嘅籃球劇《季前賽》呢排真係hit到爆啊，嚟緊佢又有機會拍另一套運動題材嘅新劇，唔通就係坊間盛傳嘅冰上曲棍球？不過Ian就大賣關子，搞到Hellosss都好期待啊！不過咁啱得咁巧，同場嘅Will都因為嚟緊要拍ViuTV新劇，所以呢排要密密運動練波，搞到受傷要入院縫咗六針，仲要留疤添，大家拍劇真係搏到盡啊！ 而下星期開處男個唱嘅Gareth T. 都進入最後衝刺階段，呢兩日網上仲有傳佢請到老友姜濤做嘉賓，不過佢梗係例牌扮傻，咩都話唔知啦！
