【Viu】Jeffrey魏浚笙憑《I SWIM》嘅自然演技而人氣急升，演「余浪沖」演得咁好，唔知Jeffrey扮《膠戰》嘅好兄弟又似唔似呢？佢仲大方分享咗「5膠」嘅模仿秘訣，包保大家笑到有腹肌。除咗模仿「5膠」，Jeffrey又暢談同「爺爺」岑珈其嘅愛，仲講埋同阿正嘅「戀人未滿」關係，煨Sir真係嚟搞笑㗎！
初嘗走紅嘅滋味，Jeffrey當然都有壓力，佢話大叫最有效，無論係減壓抑或面對陌生環境，嗌兩嘢就令自信返晒嚟喇！佢仲大方送出簽名波衫畀咖啡豆，係愛呀！下集Jeffrey就會同大家分享成長經歷，以及「男人最怕」同「男人最想」，密切留意！
